Barselona i Mesi: Ljubav koja traje 18 godina
Prije tačno 18 godina u klub je iz Rosarija došao Lionel Mesi za koga Barsa nije dala basnoslovnu sumu novca, a koji će navijačima narednih godina donijeti nebrojene uspjehe.
Sedamnaestog septembra 2000. godine neke od najvećih fudbalskih zvijezda današnjice poput Kilijana Mbapea imale su tek godinu, dvije.
Mesi je imao 13 i pred njim je bio put dug četiri godine prije nego što će 16. oktobra 2004. godine prvi put sa brojem 19 na leđima istrčati na teren kao prvotimac i jedan od najmlađih debitanata u istoriji kluba. Do sada je postigao 556 golova na 642 utakmice.
Prije dolaska u prestonicu pokrajine Katalonije Mesi je igrao za Njuels old bojse u Rosariju u Argentini.
Punih 14 godina kasnije, Argentinac ima pet Zlatnih lopti, četiri Lige šampiona i pregršt individualnih i ligaških trofeja čine ga jednom od nekoliko najvećih fudbalskih zvijezda današnjice i u istoriji fudbala.