Treba li djeci zabraniti "brzu hranu"?
Taj trend svakako je povezan s tim šta djeca i tinejdžeri jedu. Da li su presudna gazirana pića? Možda je riječ o prerađevinama i brzoj hrani? Da li postoje namirnice kojih bi djeca trebalo da se klone?
Kako bi pronašli odgovor na to pitanje, istraživači Nacionalnog univerziteta Djuk u Singapru ispitivali su kakve namirnice se povezuju sa viškom kilograma i gojaznošću među djecom. Koristeći podatke Avon longitudinalne studije o roditeljima i djeci koja je bilježila ishranu i indeks tjelesne mase gotovo 4.500 mališana u Engleskoj devedesetih godina, oni su tražili informacije o tome šta su djeca jela i šta se dešavalo s njihovim tijelima u periodu od tri godine. Otkrili su da se neke namirnice mogu smatrati većim "krivcima" za gojaznost od drugih.
Recimo, djeca koja su redovno jela čips, najviše su dobijala na kilaži. "Otkrili smo da je čips jedna od najodgovornijih namirnica za gojaznost", napisali su istraživači. "Čips od krompira ima mnogo kalorija, a slabo zasićuje i često se koristi kao užina".
Pomfrit, pohovana piletina i riba, mesne prerađevine i masni namazi poput putera, takođe su se pokazali kao problematični, kao i sve namirnice sa dodatim šećerima i prerađenim žitaricama.
- To što hrana ima mnogo kalorija, ne znači da će vas ugojiti - kaže Erik Finkelštajn koji predaje na Institutu za svjetsko zdravlje Djuk univerziteta, koji je ujedno i vođa studije.
- Neke namirnice, poput krompira, nisu obavezno loše za zdravlje. Ali kada ih pretvorite u čips ili pomfrit, dovode do gojenja - dodaje on.
Zašto se to dešava, još nije poznato, ali naučnici sumnjaju da je to posljedica dodavanja masnoća u postupku pripreme.
Kada je riječ o namirnicama koje su najmanje uticale na dobijanje na kilaži, naučnici su istakli živinsko meso koje nije pohovano ili prženo, žitarice bogate vlaknima za doručak i integralne žitarice.
- Djeca zapravo nemaju slobodu da jedu šta žele. Tjeramo ih da idu u školu, ne damo im da nešto jedu ili puše... Ljudi koji se protive tome, ne razumiju da gojazna djeca gotovo po pravilu postaju gojazni odrasli. Ono što se desi u djetinjstvu, gotovo po pravilu je nepopravljivo - kaže Finkelštajn.