16/08/2015 | 15:38 | Autor: Agencije
Kada kit traži pomoć od ribara (VIDEO)
Ribari koji su plovili kod Midl Harbura, sjeverno od Sidneja, mnogo su se iznenadili kada je njihovom čamcu prišao kit tražeći pomoć – u čeljusti mu se zaglavilo čitavo klupko kesa i ribolovačkog materijala.
Majkl Riđo (17) uspio je da zabilježi taj trenutak (Foto: Michael Riggio/Instagram)
Ogromna životinja došla je toliko blizu da su najprije pomislili da će ih napasti.
Kit se ponašao veoma čudno, kružio je oko njihovog broda kao da želi da skrene pažnju na sebe, a kada su ga bolje pogledali, ribari su shvatili da se guši – plastična kesa i klupko ribolovačkog najlona zaglavili su mu se u čeljustima.
Nakon nekoliko bezuspješnih pokušaja, Ivan Iskenderijan, jedan od ribara, uspeo je da izvuče plastični otpad iz čeljusti kita, dok su njegovi drugovi iz drugog čamca snimali scenu.
Majkl Riđo je iskoristio nesvakidašnji trenutak da napravi sjajan selfi.
Čim je „prodisao“, kit se okrenuo, mahnuo repom i udaljio se.